لاہور: پاکستان کرکٹ بورڈ (پی سی بی) نے انگلینڈ کرکٹ ٹیم کیخلاف سات ٹی 20 میچز پر مشتمل سیریز کیلئے کمنٹری پینل کا اعلان کر دیا ہے۔
پی سی بی کی جانب سے جاری کئے گئے اعلامیہ میں بتایا گیا ہے کہ انگلینڈ کے ڈیوڈ گاور، مارک باؤچر کے علاوہ وسیم اکرم، وقار یونس، عامر سہیل، بازید خان اور عروج ممتاز کمینٹریٹر کے فرائض انجام دیں گے جبکہ زینب عباس میزبانی کی ذمہ داریاں نبھائیں گی۔
High-powered panel and enhanced production to cover Pakistan-England T20Is
— Pakistan Cricket (@TheRealPCB) September 15, 2022
More details: https://t.co/wn3gzlLvUY#PAKvENG pic.twitter.com/PQBB9Tq9vP
واضح رہے کہ انگلینڈ کرکٹ ٹیم پاکستان کے ساتھ سات ٹی 20 میچز پر مشتمل سیریز کھیلنے کیلئے آج پاکستان پہنچی ہے اور دونوں ٹیموں کے درمیان 20 ستمبر کو پہلا میچ کھیلا جائے گا۔
سیریز کے ابتدائی 4 میچز کراچی کے نیشنل سٹیڈیم جبکہ بقیہ تین میچز لاہور کے قذافی سٹیڈیم میں کھیلے جائیں گے جبکہ سیریز کے پہلے ٹی20 میچ سے جمع ہونے والی رقم سیلاب سے متاثرہ افراد کو فراہم کی جائے گی۔
