اسلام آباد:ایس پی طاہر داوڑ کے قتل پر وزیراعظم عمران خان نے گہرے دکھ اور افسوس کا اظہار کرتے ہوئے نوٹس لے لیا ہے۔
ذرائع کے مطابق وزیراعظم نے نوٹس لیتے ہوئے کے پی حکومت کو اسلام آباد پولیس سے تعاون کا کہہ دیا جبکہ وزیر مملکت برائے داخلہ شہریار آفریدی کو معاملہ دیکھنے اور رپورٹ کرنے کی ہدایت۔
اسلام آباد سے اغوا ہونیوالے ایس پی پشاور رورل طاہر داوڑ کے افغانستان میں قتل کے واقعہ پروزیراعظم عمران خان نے گہرے دکھ اور افسوس کا اظہار کیا ہے۔ اپنے ایک بیان میں عمران خان کا کہنا تھا کہ ایس پی طاہر داوڑ کے قتل پر دکھ اور افسوس ہے۔
Have followed the shocking tragedy of the murder of SP Tahir Khan Dawar & ordered KP govt to coordinate with Islamabad police in holding an inquiry immediately. MOS Interior Shahryar Afridi has been tasked to oversee it with an urgency & present the report to me.
— Imran Khan (@ImranKhanPTI) November 15, 2018
وزیراعظم نے کے پی حکومت اور پولیس کو ایس پی داوڑ کے اغوا اور قتل کے معاملے پر اسلام آباد پولیس سے تعاون کی ہدایت کی ہے۔ وزیراعظم نے وزیر مملکت برائے داخلہ شہریار آفریدی کو معاملہ دیکھنے اور اس سے متعلق رپورٹ کرنے کی بھی ہدایت کر دی ہے۔
ایس پی داوڑ کے افغانستان میں قتل کی گونج سینیٹ میں بھی سنائی دی۔وزیر مملکت برائے داخلہ شہر یار آفریدی نے ایوان کو بتایا کہ ایس پی طاہر داوڑ کا اہلخانہ کیلئے آخری پیغام تھا ، "میں محفوظ ہوں "،لیکن پھر 13 دسمبر کو تصاویر منظر عام پر آگئیں۔شہریار آفریدی کے مطابق طاہر داوڑ کو پہلے میانوالی لے جایا گیا ،وہاں سے افغانستان کیسے منتقل کیا گیا ۔
اس کے لیے افغان حکام سے بھی رابطے میں ہیں ۔اس واقعے کے ذمہ دار افغانستان میں ہوں یا پاکستان میں ، انہیں بدترین مثال بنائیں گے۔وزیر مملکت برائے داخلہ نے اسلام آباد میں لگے سکیورٹی کیمروں کو ناکارہ قرار دیتے ہوئے کہا کہ سیف سٹی پراجیکٹ کے ذمہ داروں کے خلاف کارروائی کریں گے ۔
