اسلام آباد: وزیر اعظم شہباز شریف نے پیٹرولیم مصنوعات کی قیمتیں موجودہ سطح پر برقرار رکھنے اور اس کا مالی فائدہ بجلی کے نرخوں میں کمی کی صورت میں عوام کو منتقل کرنے کا فیصلہ کیا ہے۔
وزیر اعظم کا کہنا تھا کہ حکومت بجلی کے نرخوں میں کمی کے لیے جامع حکمت عملی تیار کر رہی ہے، جس کا اعلان آئندہ چند ہفتوں میں کیا جائے گا۔
انہوں نے کہا کہ عالمی منڈی میں تیل کی قیمتوں میں ردوبدل سے پیدا ہونے والی مالی گنجائش اور دیگر اقدامات کے ذریعے عوام کو بڑا ریلیف دیا جائے گا، جس سے نہ صرف بجلی کی قیمتوں میں کمی آئے گی بلکہ مہنگائی میں بھی کمی واقع ہوگی۔
وزیر اعظم نے عوام کو مزید آسانیاں فراہم کرنے کے عزم کا اظہار کرتے ہوئے کہا کہ حکومت سنبھالتے ہی عوامی ریلیف کو ترجیح دینے کا وعدہ کیا تھا، جس پر عملدرآمد جاری ہے۔
