راولپنڈی:14 اور 15 مارچ کو خیبرپختونخوا میں سکیورٹی فورسز نے دو الگ الگ کارروائیوں میں 9 خوارجیوں کو ہلاک کردیا۔ پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق، دونوں آپریشنز میں دہشت گردوں کے خلاف انٹیلی جنس کی مدد سے کارروائیاں کی گئیں۔
پہلا آپریشن ضلع مہمند میں کیا گیا، جہاں خوارج کی موجودگی کی اطلاع ملنے پر سکیورٹی فورسز نے آپریشن کیا۔ اس دوران سات دہشت گرد مارے گئے، تاہم شدید فائرنگ کے تبادلے میں پاک فوج کے دو جوان، حوالدار محمد زاہد اور سپاہی آفتاب علی شاہ شہید ہوگئے۔
دوسری کارروائی ضلع ڈیرہ اسماعیل خان کے جنرل ایریا مدی میں ہوئی، جہاں سکیورٹی فورسز اور خوارج کے درمیان جھڑپ کے دوران دو دہشت گرد ہلاک ہو گئے۔ ہلاک ہونے والے دہشت گردوں سے ہتھیار اور گولہ بارود بھی برآمد کیا گیا۔
آئی ایس پی آر کے مطابق، مارے جانے والے دہشت گرد مختلف دہشت گردانہ سرگرمیوں میں ملوث تھے۔سکیورٹی فورسز نے اس علاقے میں باقی دہشت گردوں کو ختم کرنے کے لیے سینیٹائزیشن آپریشن بھی شروع کر دیا ہے۔ آئی ایس پی آر کے مطابق، پہلے آپریشن میں ضلع مہمند میں سات خوارج کو ہلاک کر دیا گیا، جب کہ دوسرے آپریشن میں دو دہشت گرد ڈیرہ اسماعیل خان کے علاقے مدی میں ہلاک ہوئے۔
سکیورٹی فورسز نے خوارج کے ٹھکانوں کو مؤثر طریقے سے نشانہ بنایا، جس کے نتیجے میں دہشت گردوں کی متعدد سرگرمیاں ناکام بنائی گئیں۔ دونوں کارروائیوں میں سیکیورٹی فورسز کو شدید مزاحمت کا سامنا رہا، جس کے دوران دو جوان بھی شہید ہو گئے۔
بیان کے مطابق، ہلاک ہونے والے دہشت گردوں سے ہتھیار اور گولہ بارود بھی برآمد کیا گیا، اور اس وقت سینیٹائزیشن آپریشن جاری ہے تاکہ علاقے سے باقی دہشت گردوں کا خاتمہ کیا جا سکے۔ پاک فوج نے کہا ہے کہ وہ ملک سے دہشت گردی کا مکمل خاتمہ کرنے کے لیے پرعزم ہیں۔
خیبرپختونخوا میں سکیورٹی فورسز کا کامیاب آپریشن، 9 خارجی ہلاک
