واشنگٹن: امریکی حکومت نے پاکستان سمیت 41 ممالک کے شہریوں پر نئی سفری پابندیاں عائد کرنے پر غور شروع کر دیا ہے۔امریکی میڈیا رپورٹس کے مطابق، ان ممالک کو تین گروپوں میں تقسیم کیا گیا ہے۔ پہلے گروپ میں افغانستان، ایران، شام، کیوبا اور شمالی کوریا جیسے ممالک شامل ہیں، جن پر مکمل سفری پابندیاں عائد کی جائیں گی۔
دوسرے گروپ میں اریٹریا، ہیٹی، لاؤس، میانمار اور جنوبی سوڈان شامل ہیں، جن کے سیاحتی اور سٹوڈنٹس ویزے معطل کر دیے جائیں گے۔ تاہم، ان ممالک کے کاروباری مسافروں کو مخصوص شرائط کے تحت امریکا میں داخلے کی اجازت دی جا سکتی ہے۔
تیسرے گروپ میں پاکستان، بیلاروس اور ترکمانستان سمیت 26 ممالک شامل ہیں، جنہیں تنبیہ کی جائے گی کہ اگر 60 دنوں میں اپنے نظام میں بہتری نہ لائے تو جزوی ویزا معطلی کا سامنا کرنا پڑے گا۔
