اقوام متحدہ نے 15 مارچ کو اسلاموفوبیا کے خلاف عالمی دن منانے کی قرارداد منظور کرلی ہے،وزیراعظم عمران خان نے اپنی ٹویٹ میں مسلم امہ کو اس کامیابی پر بھی مبارکباد دی ۔
اقوام متحدہ میں پاکستان کے مستقل مندوب منیراکرم کا اسلاموفوبیاکےحوالےسےبیان دیتے ہوئے کہنا تھااسلاموفوبیاسےمسلمانوں کےخلاف تشدد میں اضافہ ہوا، نائن الیون کے بعد مسلمانوں کےخلاف تشدد کےواقعات بڑھے۔
میں آج امتِ مسلمہ کو مبارکباد پیش کرتا ہوں کہ اسلاموفوبیا کی بڑھتی ہوئی لہر کے خلاف ہماری آواز سنی گئی اور 15 مارچ کو اسلاموفوبیا کے تدارک کے عالمی دن کے طور پر مقرر کرتے ہوئے اقوام متحدہ نے او آئی سی کی ایماء پر پاکستان کی پیش کردہ تاریخی قرارداد منظور کی۔
— Imran Khan (@ImranKhanPTI) March 15, 2022
اقوام متحدہ کی جنرل اسمبلی کے اجلاس میں اسلاموفوبیا کے خلاف عالمی دن منانے کے لیے قرارداد پیش کی گئی،جسے منظور کر لیا گیا ، قرار داد کی منظوری کے بعد بعد منیر اکرم نے کہا مختلف ممالک میں سیاسی مقاصدکےحصول کیلئےاسلاموفوبیاکوہوادی جاتی ہے،اسلاموفوبیاکےخلاف آگاہی اور تدارک کیلئےاقدامات کی ضرورت ہے،مذہبی آزادی ہر شخص کا بنیادی حق ہے۔
اقوام متحدہ نے بالآخر آج دنیا کو درپیش اسلاموفوبیا، مذہبی آثار و رسومات کی تعظیم، منظم نفرت انگیزی کے انسداد اور مسلمانوں کے خلاف تفریق جیسے بڑے چیلنجز کا اعتراف کیا۔اس تاریخی قرار داد کا نفاذ یقینی بنانا اب اگلا امتحان ہے۔
— Imran Khan (@ImranKhanPTI) March 15, 2022
دوسری جانب وزیر اعظم کے نمائندہ خصوصی طاہر محمود اشرفی نے کہا مسلم امہ کے لیے آج انتہائی خوشی کا دن ہے،اقوام متحدہ کی جنرل اسمبلی میں پاکستان کی اسلاموفوبیا کیخلاف عالمی دن منانے کی قرارداد منظور ہونا انہتائی خوش آئند ہے ۔
