پاکستانی پولیس والا راتوں رات ہا نگ کانگ کا ”ہیرو“ بن گیا

ہانگ کانگ: پاکستانی پولیس والے کو ایک ہی رات میں اتنی شہرت مل گئی جتنی کسی ہانگ کانگ کے وزیر یا سرکاری اہلکار کو بھی نہ ملی ہو گی ۔
20سالہ پاکستانی نژاد افضل ظفر نے اپنے ہم وطن پاکستانی شہری کو خودکشی کرنے سے بچالیا ۔ تفصیلات کے مطابق پاکستانی نژاد پولیس اہلکار افضل ظفر نے کرین پر چڑھ کر خودکشی کرنے والے پاکستانی کو خودکشی نہ کرنے کے لیے راضی کیا ۔
افضل ظفر نے پاکستانی شہری سے اردو میں ہی بات چیت کی ۔65فٹ اونچی کرین سے اتارنے کے لیے اونچی آواز میں خودکشی کرنے والے کے ساتھ بڑے ہی موثر انداز میں بات چیت کی ،اسے خودکشی نہ کرنے پر راضی کر لیا اور  کرین سے اتار لیا۔جس کے بعد پاکستانی شہری کو ہسپتال منتقل کر دیا گیا۔
افضل نے ایک سال قبل ہی ہانگ کانگ پولیس میں ملازمت اختیا ر کی تھی ۔ایک انسان کی جان بچانے پر ہانگ کانگ میں افضل کی دھوم مچ گئی ہے ۔