لاہور:پنجاب میں مزید تین مقامات پر سونے کے ذخائر کی موجودگی کا انکشاف ہوا ہے ۔ نیو نیوز کے رپورٹر وقاص غوری کی خبر کے مطابق حکومتی ذرائع کا کہنا ہےکہ اٹک کے بعد میانوالی ،تربیلا اور ستلج کے مقام پر سونے کے ذخائر کی تصدیق ہوگئی ہے ۔ذرائع کامزید کہنا ہے کہ ابتدائی سروے میں مزید مقامات پر سونے کی موجودگی کی تصدیق کے بعد نیسپاک کو سروے کا ٹاسک دے دیا گیا ہے۔
ذرائع کے مطابق تینوں مقامات پر موجود سونے کی عالمی مارکیٹ میں قیمت کئی سو ارب روپے ہوسکتی ہے۔ محکمہ معدنیات کے حکام مزید مقامات سے سونے نکلنے سے متعلق جلد وزیراعلی کو بریفنگ دینگے۔ اٹک کی طرز پر دیگر مقامات سے سونے نکالنے کے لیے بھی بین الاقوامی آکشن ہوگی۔