لاہور : چیمپئنز ٹرافی 2025 کے میچز کے لیے ٹکٹوں کی فروخت جلد شروع ہو گی، اور اس حوالے سے مشاورت مکمل ہو گئی ہے۔ ذرائع کے مطابق پاکستان میں ہونے والے میچز کے لیے ٹکٹوں کی کم سے کم قیمت 1 ہزار روپے اور زیادہ سے زیادہ قیمت 25 ہزار روپے تک ہو سکتی ہے۔
لاہور، کراچی اور راولپنڈی کے مختلف وینیوز پر ٹکٹوں کی قیمتیں مختلف ہوں گی، اور ٹکٹوں کی چار اہم کیٹیگریز وی آئی پی، پریمیئم، فرسٹ کلاس اور ہوسپیٹلیٹی میں دستیاب ہوں گی۔ سیمی فائنل میچ کے لیے کم از کم ٹکٹ کی قیمت 2500 روپے مقرر کرنے کا امکان ہے۔
چیمپئنز ٹرافی 2025 کا ایونٹ پاکستان اور یو اے ای کے مشترکہ ہائبرڈ ماڈل کے تحت منعقد کیا جائے گا۔ ایونٹ کا آغاز 19 فروری 2025 سے کراچی میں پاکستان اور نیوزی لینڈ کے درمیان میچ سے ہوگا۔