خیرپور: خیرپور میں قومی شاہراہ پر لاہور سے حضرت لعل شہباز قلندر کے عرس میں شرکت کے لیے جانے والی بس تیز رفتاری کے باعث الٹ گئی، جس کے نتیجے میں 16 افراد جاں بحق اور 25 سے زائد زخمی ہوگئے۔
تفصیلات کے مطابق، یہ حادثہ خیرپور کی تحصیل رانی پور میں اس وقت پیش آیا جب زائرین کی بس سیہون شریف جا رہی تھی۔ حادثے میں جاں بحق ہونے والوں میں خواتین اور بچے بھی شامل ہیں۔ پولیس اور ریسکیو حکام فوراً موقع پر پہنچے اور لاشوں و زخمیوں کو گمبٹ اور رانی پور ہسپتال منتقل کیا۔
مسافر بس لاہور سے ہارون آباد ہوتے ہوئے سیہون عرس میں شرکت کے لیے جا رہی تھی۔ مقامی افراد نے بھی انتظامیہ کی مدد کی۔
