کراچی: مختلف نشستوں کے پولنگ اسٹیشنوں پر مؤخر کی گئی پولنگ کا عمل آج دوباہ کیا جارہا ہے۔
گھوٹکی سے صوبائی اسمبلی کی نشست پی ایس 18 کے 2 پولنگ اسٹیشنوں پر ووٹنگ کا عمل جاری ہے۔
الیکشن کمیشن کے مطابق مختلف وجوہات کی بنا پر مؤخر کی گئی پولنگ آج صبح 8 بجے سے شام پانچ بجے تک بغیر وقفے کے جاری رہے گی۔
ذرائع کے مطابق ان اسٹیشنوں کے نتائج پولنگ کے چوبیس گھنٹے کے اندر متوقع ہیں۔
ایس ایس پی انور کھیتران کے مطابق یہ دونوں پولنگ اسٹیشنز انتہائی حساس ہیں، جہاں رینجرز اور آرمی کو بھی تعینات کیا گیا ہے۔
واضح رہے کہ این اے 88 خوشاب کے 26 اور پی کے 90 کوہاٹ کے 8 پولنگ اسٹیشنوں پر 8 فروری کو ہنگامہ آرائی کے باعث پولنگ معطل کی گئی تھی۔
