لاہور :لاہور کے علاقے گرین ٹاؤن میں ایک سوتیلے والد نے 5 سالہ بچی پر تیزاب پھینک دیا، جس کی وجہ سے بچی کا 20 فیصد جسم جھلس گیا۔ رپورٹ کے مطابق، بچی اپنے والدین کی علیحدگی کے بعد اپنے دادا کے ساتھ رہ رہی تھی۔ جب اس کی ماں اور سوتیلے والد نے بچی کو اپنے ساتھ لے جانے کی کوشش کی، تو بچی نے انکار کیا، جس پر ملزم نے غصے میں آ کر اس پر تیزاب پھینک دیا۔
واقعے کے فوراً بعد بچی کو طبی امداد کے لیے ہسپتال منتقل کیا گیا، جہاں اس کا علاج جاری ہے۔ ڈی آئی جی آپریشنز لاہور، فیصل کامران نے اس افسوسناک واقعے کا نوٹس لیتے ہوئے ایس پی کی نگرانی میں ایک خصوصی ٹیم تشکیل دی اور ملزمان کی گرفتاری کا وعدہ کیا۔
