متحدہ عرب امارات میں ویک اینڈ پر بارشوں کا امکان ہے ، محکمہ موسمیات

بین الاقوامی 
 
متحدہ عرب امارات میں ویک اینڈ پر بارشوں کا امکان ہے ، محکمہ موسمیات
کیپشن: فوٹؤ بشکریہ برج الخلیفہ آفیشل فیس بک اکاؤنٹ

ابو ظہبی : متحدہ عر ب امارات کے رہائشیوں کی خوش قسمتی ہے کہ جمعہ کے روز سہ پہر کئی علاقوں میں ہلکی پھلکی بارش ہو ئی جس سے موسم انتہائی خوشگوار ہوگیا ۔تاہم اب محکمہ موسمیات نے ملکی اور غیر ملکی شہریوں کو اس ہفتے مزید بارشوں کی خوشخبری سنادی ہے ۔


متحدہ عرب امارات کے محکمہ موسمیات کی رپورٹ کے مطابق اس ویک اینڈ پر بھی مختلف علاقوں میں بارشیں ہونے کی قوی امید ہے ۔محکمہ موسمیات کے مطابق رواں ہفتے ملک کے مختلف حصوں کا درجہ حرارت تقریباََ 8سینٹی گریڈ تک کمی آگئی ہے اور امید کی جارہی ہے کہ بارشوںکی وجہ سے درجہ حرارت میں کمی واقع ہو گی اور موسم مزید خوشگوار ہو گا۔

پی ٹی آئی احتجاج میں دہشت گردی کا خطرہ، نیکٹا کی وارننگ


متحدہ عر ب امارات کے نیشنل سنٹر فار میٹرولوجی کے ترجمان کا کہناہے کہ ساحلی علاقوں میں بارشوں سے دھند میںاضافہ متوقع ہے ۔ شہری دھند میں گاڑیاں تیز رفتار ی سے چلانے سے پرہیز کریں ۔


موسم کے حالات کو دیکھتے ہوئے یہ کہا جاسکتاہے کہ اس کی وجہ سے مشرقی اور جنوبی علاقوں میں گھنے بادل رہیں گے ۔جن کی وجہ سے ہفتہ اور اتوار کو بارش کی امید کی جارہی ہے ۔
محکمہ موسمیات کے مطابق جمعہ شام ساڑھے بجے تک اوسط درجہ حرارت 29.6ریکارڈ کیا گیا ہے ۔

محسن نقوی کا چیئرمین پی ٹی آئی سے رابطہ، دھرنے کی اجازت دینے سے انکار