لاہور: معروف عالم دین مفتی تقی عثمانی پاکستان کے 75 ویں یوم آزادی کی سرکاری تقریب میں خواتین اور مردوں کے رقص پر برہم ہو گئے۔
تفصیلات کے مطابق مفتی تقی عثمانی نے سماجی رابطوں کی ویب سائٹ ٹوئٹر پر جاری بیان میں اہل وطن کو یوم آزادی کی مبارک باد دینے کیساتھ ساتھ مرکزی تقریب پر ناراضگی کا اظہار بھی کیا۔
مفتی تقی عثمانی نے اپنے پیغام میں لکھا ’یوم آزادی مبارک! لیکن اس کی سرکاری تقریب میں مرد و زن کا مخلوط اور حیا سوز رقص قوم کے زخموں پر نمک چھڑکنے کے مترادف ہے۔ کیا اس طرح اللہ تعالیٰ کی طرف سے برکتیں نازل ہوں گی؟ آج کے دن انا للہ وانا الیہ راجعون پڑھنے کو دل نہیں چاہتا تھا لیکن پڑھنا پڑا۔ کیا زمانے میں پنپنے کی یہی باتیں ہیں؟‘
يوم آزادی مبارک! لیکن اسکی سرکاری تقریب میں مرد وزن کا مخلوط اور حیاسوز رقص قوم کے زخموں پر نمک چھڑکنے کے مرادف ہے کیا اس طرح اللہ تعالی کی طرف سے برکتیں نازل ہونگی؟ آج کے دن اناللہ واناالیہ راجعون پڑھنے کو دل نہیں چاہتا تھا لیکن پڑھنا پڑا
— Muhammad Taqi Usmani (@muftitaqiusmani) August 14, 2022
کیازمانے میں پنپنے کی یہی باتیں ہیں؟
واضح رہے کہ گزشتہ روز پاکستان کا 75 واں جشن آزادی منایا گیا اور اس موقع پر اسلام آباد میں جناح کنونشن سینٹر میں پرچم کشائی کی مرکزی تقریب کا انعقاد کیا گیا تھا جس مرد و خواتین نے ڈانس پرفارمنس پیش کی۔
اس ڈانس کی ویڈیو سوشل میڈیا پر وائرل ہو گئی جس پر غم و غصے کا اظہار کیا گیا جا رہا ہے اور یوم آزادی کی سرکاری تقریب میں مرد وخواتین کے رقص پر حکومت کو شدید تنقید کا نشانہ بنایا جا رہا ہے۔
What a shame for whole country.#جشن_آزادی_پہ_مجرا_نامنظور#یہ_کیسی_آزادی_ہے pic.twitter.com/YySAZJkbna
— M HASSAN RAJPUT (@MHASSANRAJPUT1) August 15, 2022
