آئینی ترامیم کا بل پیش کرنا قواعد و ضوابط کے خلاف ہوگا،رات کے اندھیرے میں قانون سازی نہیں کی جاتی: بیرسٹر گوہر

اسلام آباد: پی ٹی آئی چیئرمین بیرسٹر گوہر کاکہنا ہےکہ  آئینی ترامیم کا بل پیش کرنا قواعد و ضوابط کے خلاف ہوگا،رات کے اندھیرے میں قانون سازی نہیں کی جاتی۔بیرسٹر گوہر نے میڈیا سے گفتگو کرتے ہوئے کہاکہ  آئینی ترامیم کا بل پیش کرنا قواعد و ضوابط کے خلاف ہوگا،رات کے اندھیرے میں قانون سازی نہیں کی جاتی۔

اس حکومت سے شکوہ رہا کہ رات کے اندھیرے میں قانون سازی نہیں کرتے، ہم نے ہمیشہ کہا کہ جو قانون سازی کرنی ہے اس کا طریقہ کار اپنائیں، آئین میں درج ہے قانون سازی کس طرح ہو گی قانون اور رولز آف بزنس دیکھا جائے گا۔

بیرسٹر گوہر کا کہنا تھا کہ یہ عمل کابینہ کی منظوری اور وزیراعظم کے دستخط سے قبل کیا جاتا ہے مگر یہاں تو نہ کابینہ اجلاس ہوا اور نہ ہی منظوری ہوئی کہ اجلاس میں بل پیش کریں، اگر ایسا ہوتا ہے تو یہ قواعد و ضوابط کے خلاف ہوگا۔

انہوں نے کہا کہ اسمبلی میں جب پرائیویٹ ممبر بل آتا ہے تو پہلے کمیٹی میں آتا ہے ایک ماہ قبل اجازت لی جاتی یے اور پھر ایجنڈے پر آتا ہے، اس قسم کے حکومتی بل پہلے وزارت کے ذریعے کابینہ میں جاتے ہیں، کابینہ میں منظوری کے بعد وزیراعظم کے دستخط سے آگے بڑھا جاتا یے رولز آف بزنس 16 اور 27 کے لیے لازم ہے کہ وزارت قانون و پارلیمانی امور اسے آگے بڑھائے۔