اسلام آباد: انٹرنیشنل کرکٹ کونسل (آئی سی سی) نے چیمپئنز ٹرافی کی ٹرافی دبئی سے اسلام آباد منتقل کر دی ہے۔ آئی سی سی کے مطابق، چیمپئنز ٹرافی کا ٹرافی ٹور 16 نومبر سے شروع ہو گا اور یہ 24 نومبر تک جاری رہے گا۔ ٹرافی کا پہلا پڑاؤ سکردو ہوگا، اس کے بعد چیمپئنز ٹرافی کو کے ٹو بیس کیمپ لے جایا جائے گا۔ اس ٹور کا مقصد ان شہروں کو بھی شامل کرنا ہے جہاں چیمپئنز ٹرافی کے میچز کھیلے جائیں گے۔
یہ پہلا موقع ہے کہ چیمپئنز ٹرافی کا ٹرافی ٹور اس کے شیڈول کے اعلان سے قبل شروع کیا جا رہا ہے۔ عام طور پر آئی سی سی ٹورنامنٹ کے آغاز سے چار ماہ پہلے شیڈول جاری کرتا ہے، مگر چیمپئنز ٹرافی کا شیڈول ابھی تک اعلان نہیں کیا گیا۔ آئی سی سی کے روایتی شیڈول کے مطابق، مینز ٹی20 ورلڈ کپ 2024 کا شیڈول جنوری میں 4 ماہ قبل اور مینز ون ڈے ورلڈ کپ 2023 کا شیڈول جون میں جاری کیا گیا تھا۔
چیمپئنز ٹرافی 2025 کا آغاز 19 فروری سے 9 مارچ تک متوقع ہے، تاہم ابھی تک اس کا مکمل شیڈول سامنے نہیں آیا۔
