نیویارک : امریکا کے معروف میگزین People نے 2024 کے پرکشش مرد کا اعزاز امریکی اداکار جان کراسنسکی کو دے دیا ہے۔ اس اعزاز کا اعلان گزشتہ رات دی لیٹ شو وِد اسٹیفن کولبرٹ کے دوران کیا گیا۔
45 سالہ جان کراسنسکی، جو نہ صرف ایک کامیاب اداکار ہیں بلکہ ہدایتکار بھی ہیں، اس اعزاز کے اعلان پر خوش تو تھے مگر ساتھ ہی تھوڑے حیران بھی دکھائی دیے۔
جان کراسنسکی نے برطانوی اداکارہ ایملی بلنٹ سے شادی کی ہے، اور ان کے دو بچے بھی ہیں۔
جان کراسنسکی کا کہنا تھا کہ انہیں People میگزین کی جانب سے 2024 کا پرکشش مرد قرار دیے جانے پر فخر ہے۔ ان کا یہ اعزاز دنیا بھر میں معروف اداکاروں کی فہرست میں ان کے مقام کو مزید مستحکم کرتا ہے۔
یاد رہے کہ گزشتہ سال یہ اعزاز امریکی اداکار پیٹرک ڈیمپسی نے حاصل کیا تھا، جب کہ اس سے پہلے بریڈ پِٹ اور مائیکل جارڈن جیسے مشہور اداکار بھی اس ٹائٹل کے حامل رہ چکے ہیں۔
