واشنگٹن: امریکی صدر جوبائیڈن اور نومنتخب صدر ڈونلڈ ٹرمپ کے درمیان ایک اہم ملاقات ہوئی، جس میں دونوں رہنماؤں نے اقتدار کی پرامن منتقلی اور دیگر اہم امور پر بات چیت کی۔
ملاقات کے دوران، بائیڈن نے کہا کہ وہ اقتدار کی منتقلی کو پرامن اور ہموار بنانے کے لیے پُرعزم ہیں۔ اس پر ٹرمپ نے بائیڈن کا شکریہ ادا کرتے ہوئے کہا کہ وہ اقتدار کی منتقلی کے عمل کی قدر کرتے ہیں اور چاہتے ہیں کہ یہ تبدیلی آسان اور کامیاب ہو۔
انہوں نے اس بات کا بھی اعتراف کیا کہ سیاست ایک مشکل میدان ہے، اور اکثر اس میں مشکلات پیش آتی ہیں، لیکن آج کی ملاقات کا ماحول قدرے مختلف تھا، جو کہ ایک مثبت قدم تھا۔
ملاقات میں خارجہ پالیسی اور داخلی امور پر بھی تفصیلی گفتگو ہوئی۔ بائیڈن اور ٹرمپ نے مشرق وسطیٰ اور یوکرین کی جنگ کے حوالے سے بھی بات کی۔ اس موقع پر دونوں رہنماؤں کے درمیان دوستانہ اور خوشگوار ماحول قائم رہا، اور بائیڈن نے ٹرمپ سے مصافحہ بھی کیا۔
سیکرٹری وائٹ ہاؤس کے مطابق، ٹرمپ اپنے ساتھ مختلف سوالات لے کر آئے تھے جن پر تفصیل سے تبادلہ خیال کیا گیا۔