اسلام آباد: پاکستان تحریک انصاف (پی ٹی آئی) کے رہنما شہباز گل نے کہا ہے کہ چند دنوں کی مہمان حکومت کی کانپیں ٹانگ رہی ہیں جس کا واضح ثبوت سیالکوٹ میں کی جانے والی غنڈہ گردی ہے۔
سماجی رابطے کی ویب سائٹ ٹوئٹر پر شہباز گل نے سیالکوٹ جلسے سے پہلے ضلعی انتظامیہ کے کریک ڈاؤن اور عثمان ڈار سمیت پی ٹی آئی کارکنان کی گرفتاری پر ردِ عمل دیتے ہوئے کہا کہ ’سیالکوٹ میں امپورٹڈ حکومت کی غنڈہ گردی جلسہ کرنا ہمارا بنیادی حق ہے اور اس سے ہمیں کوئی نہیں روک سکتا ۔ ٗ‘
واضح رہے کہ سیالکوٹ میں پی ٹی آئی کے آج ہونے والے جلسے سے قبل عثمان ڈار سمیت درجنوں پی ٹی آئی کارکنان کو گرفتار کرلیا گیا ہے۔پولیس کے مطابق پی ٹی آئی کو جلسہ کی اجازت نہیں ہے جس پر ضلعی انتظامیہ کے احکامات کے تحت کریک ڈاؤن کیا گیا ہے۔
