اسلام آباد: وزیراعظم شہباز شریف کی جانب سے وفاقی کابینہ میں کی گئی توسیع کے بعد ایوان صدر میں مزید تین وزرا نے حلف اٹھا لیا۔ یہ حلف برداری کی تقریب قائم مقام صدر یوسف رضا گیلانی کی زیر صدارت ایوان صدر میں منعقد ہوئی۔
حلف اٹھانے والوں میں سید عمران احمد شاہ، شذرا منصب علی اور ارمغان سبحانی شامل ہیں۔ سید عمران احمد شاہ کو وزارت تخفیف غربت و سماجی تحفظ کا وفاقی وزیر مقرر کیا گیا ہے، جبکہ چوہدری ارمغان سبحانی کو وزیر مملکت برائے وزارت منصوبہ بندی و ترقی اور شذرا منصب علی کو وزیر مملکت برائے وزارت ماحولیاتی تبدیلی کا قلمدان دیا گیا ہے۔
حلف برداری کے فوراً بعد تینوں وزرا کے نوٹیفکیشن بھی جاری کر دیے گئے ہیں، جس کے نتیجے میں وفاقی کابینہ کے ارکان کی تعداد 54 تک پہنچ گئی ہے۔ وفاقی کابینہ میں اس وقت 31 وفاقی وزرا، 11 وزرائے مملکت، 4 مشیر اور 8 معاون خصوصی شامل ہیں۔