ڈینور: امریکی ایئر لائنز کے طیارے میں ڈینور ایئرپورٹ پر اچانک آگ لگنے کا واقعہ پیش آیا ہے۔ امریکی میڈیا کی رپورٹس کے مطابق، یہ واقعہ اس وقت پیش آیا جب طیارہ گیٹ سی 38 پر موجود تھا، اور اس میں اچانک آگ لگنے کی وجہ سے ایئرپورٹ کے اردگرد دھواں پھیل گیا۔
رپورٹس کے مطابق، طیارے میں موجود 178 مسافروں کو فوراً بحفاظت باہر نکال لیا گیا۔ خوش قسمتی سے، اس واقعے میں کسی جانی نقصان کی اطلاع نہیں ملی ہے۔
فیڈرل ایوی ایشن ایڈمنسٹریشن (FAA) نے تصدیق کی ہے کہ امریکی ایئر لائنز کی پرواز 1006 کا انجن فیل ہو گیا تھا، جس کے بعد طیارے کو ہنگامی طور پر ڈینور ایئرپورٹ پر اتار لیا گیا۔ آگ لگنے کی وجوہات کا تعین کرنے کے لیے تحقیقات جاری ہیں۔
