گجرات: سمندری طوفان بپرجوائے گجرات کے علاقے دیوبھومی دوارکا سے 290 کلو میٹر کے فاصلے پر ہے۔ محکمہ موسمیات کے مطابق سمندری طوفان بپرجوائے گجرات کے علاقے دیوبھومی دوارکا سے 290 کلو میٹر اور جاکھواپورٹ کے مغرب، جنوب مغرب میں 280 کلو میٹر کے فاصلے پر ہے۔
سمندری طوفان کے زیر اثر گجرات کے ساحلی علاقوں میں تیز ہوائیں جبکہ طوفان ٹکرانے کے وقت 125 سے 150 کلو میٹر فی گھنٹہ کی رفتار سے ہوا چلنے کا امکان ہے۔
طوفان کے زیر اثر کچھ، دوارکا، پوربندر، جام نگر، راجکوٹ، جوناگڑھ، گرسومناتھ میں آج 65 سے 85 کلو میٹر فی گھنٹہ کی رفتار سے ہوائیں چلنے کا امکان ہے۔
دیوبھومی، دوارکا میں انتہائی شدید بارش جبکہ کچھ، پوربندر، راجکوٹ، موربی، جوناگڑھ اضلاع میں شدید بارش کا امکان ہے۔خیال رہے کہ طوفان سے ممکنہ طور پر متاثر ہونے والے علاقوں سے اب تک 45 ہزار سے زائد افراد کا انخلا کیا جاچکا ہے۔
