لاہور: گلوکار علی ظفر کے بچے بھی والد کی طرح میوزک کے دلدادہ نکلے ہیں۔ علی ظفر نے انسٹا گرام پیج پر اپنے بیٹے اذان اور بیٹی علیزہ کی مختصر ویڈیوز اپ لوڈ کی ہیں جن میں وہ کسی ماہر کی طرح میوزیکل انسٹرومنٹس کا استعمال کرتے دکھائی دے رہے ہیں۔
علی ظفر نے بیٹے کی ویڈیو شیئر کرتے ہوئے کیپشن میں لکھا کہ اندازہ لگائیں باپ کے لیے کون آڈیو چیک کر رہا ہے۔
دوسری ویڈیو علی ظفر نے اپنی بیٹی کی شیئر کی ہے جس میں وہ بڑے مزے سے ڈرم بجاتی نظر آ رہی ہیں۔ علی ظفر نے لکھا کہ یہ کیسے پیچھے رہ سکتی تھی یہ اس کا پہلا ڈرم رول ہے۔
ان ویڈیوز اور علی ظفر کے الفاظ سے ظاہر ہوتا ہے کہ وہ واقعتا اپنے بچوں کے لیے ایک شفیق باپ ہیں جو ان کی چھوٹی چھوٹی کامیابیوں کو دل سے سراہتے ہیں۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
