واشنگٹن: امریکی وزیر خارجہ انٹونی بلنکن نے جمعرات کو بین الاقوامی مالیاتی فنڈ کی جانب سے پاکستان کی حمایت کے پروگرام کی منظوری کا خیرمقدم کرتے ہوئے کہا کہ "ہم اس مشکل وقت میں پاکستانی عوام کے ساتھ کھڑے ہیں۔"
انہوں نے ایک ٹویٹر پوسٹ میں کہا کہ ہم پاکستان پر زور دیتے ہیں کہ وہ میکرو اکنامک اصلاحات اور پائیدار اقتصادی بحالی کے لیے آئی ایم ایف کے ساتھ کام جاری رکھے۔ ہم اس مشکل وقت میں پاکستانی عوام کے ساتھ کھڑے ہیں۔ ہم اس پیش رفت کا خیرمقدم کرتے ہیں جو آئی ایم ایف اور پاکستان کے درمیان عملے کی سطح کے معاہدے تک پہنچنے میں ہوئی ہے۔
We stand by the Pakistani people during these hard times and welcome the International Monetary Fund's approval of a program to support Pakistan. We urge Pakistan to continue working with @IMFNews toward macroeconomic reforms and sustainable economic recovery.
— Secretary Antony Blinken (@SecBlinken) July 13, 2023
یاد رہے امریکی محکمہ خارجہ کے ترجمان میتھیو ملر نے دعویٰ کیا تھا کہ امریکا نے پاکستان کو آئی ایم ایف کے ساتھ 3 بلین ڈالر کا پیکج حاصل کرنے میں اہم کردار ادا کیا۔
بلنکن کا یہ بیان بدھ کو آئی ایم ایف کے ایگزیکٹو بورڈ کی جانب سے پاکستان کے لیے 3 بلین ڈالر کی نو ماہ کے اسٹینڈ بائی ارینجمنٹ (ایس بی اے) کی منظوری کے بعد سامنے آیا ہے۔
واضح رہے کہ آئی ایم ایف نے 1.2 بلین ڈالر اسٹیٹ بینک آف پاکستان (SBP) میں جمع کرائے، جس سے ڈالر کی قلت اور بھاگتی ہوئی مہنگائی سے دوچار معیشت کو بہت ضروری فروغ ملا۔
آئی ایم کا کہنا ہے کہ پاکستان کے معاشی اصلاحاتی پروگرام کا مقصد پاکستانی عوام کی مدد کے لیے سماجی اور ترقیاتی اخراجات کے لیے جگہ پیدا کرتے ہوئے معیشت کو مستحکم کرنے اور جھٹکوں سے بچانے کے لیے فوری کوششوں کی حمایت کرنا ہے۔
یاد رہے پاکستان کو اس ہفتے کے شروع میں متحدہ عرب امارات سے 1 بلین ڈالر اور سعودی عرب سے 2 بلین ڈالر بھی ملے۔
