نئی دہلی:کانگریس کے رہنما نوجوت سنگھ سدھو نے وزارتوں سے استعفیٰ دے دیا۔
بھارتی میڈیا کے مطابق نوجوت سنگھ سدھو نے حکومت کے ساتھ اختلافات کی وجہ سے اپنے عہدے سے استعفیٰ دے دیا ہے۔ نوجوت سنگھ سندھو بھارت میں ثقافتی امور، لوکل گورنمنٹ، عجائب گھروں اور سیاحت کے وزیر تھے۔ آج انہوں نے اپنے عہدے سے استعفیٰ دے دیا ہے۔
نوجوت سنگھ نے سماجی رابطے کی ویب سائٹ ٹوئٹر پر اپنے استعفیٰ کی تصدیق کرتے ہوئے راہول گاندھی کی لکھے گئے خط کی کاپی بھی شیئر کی۔ یاد رہے کہ نوجوت سنگھ سدھو سابق بھارتی کرکٹر ہیں اور میڈیا پرسنالٹی بھی ہیں اور اس کے ساتھ ایک کامیاب سیاستدان بھی ہیں۔
My letter to the Congress President Shri. Rahul Gandhi Ji, submitted on 10 June 2019. pic.twitter.com/WS3yYwmnPl
— Navjot Singh Sidhu (@sherryontopp) July 14, 2019
وہ2006سے الیکشن جیتتے آرہے ہیں اور پاکستان کے ساتھ بھارت کے اچھے تعلقات کے حامی ہیں اور کئی بار پاکستان آچکے ہیں۔
