کراچی: پاکستان اور نیوزی لینڈ کے درمیان سہ ملکی سیریز کا فائنل آج کراچی کے نیشنل اسٹیڈیم میں کھیلا جارہا ہے۔ پاکستان نے ٹاس جیت کر بیٹنگ کا فیصلہ کیا ہے۔
پاکستان کے وکٹ کیپر بیٹر محمد رضوان نے ٹاس کے موقع پر کہا کہ پچ بیٹنگ کے لیے سازگار دکھائی دے رہی ہے، اس لیے پہلے بیٹنگ کا فیصلہ کیا گیا ہے۔ ان کا کہنا تھا کہ "آج کا دن نیا ہے، ہم ٹرافی اپنے نام کرنے کی پوری کوشش کریں گے۔" پاکستانی ٹیم میں ایک تبدیلی کی گئی ہے، جہاں محمد حسنین کی جگہ فہیم اشرف کو پلیئنگ الیون میں شامل کر دیا گیا ہے۔
پاکستانی ٹیم میں بابر اعظم، سعود شکیل، محمد رضوان، سلمان علی آغا، طیب طاہر، فہیم اشرف، خوشدل شاہ، شاہین شاہ آفریدی، نسیم شاہ اور ابرار احمد شامل ہیں۔