ہرنائی : بلوچستان کے ضلع ہرنائی کے علاقے شاہرگ میں ہونے والے دھماکے میں 10 افراد جاں بحق اور متعدد زخمی ہوگئے۔ پولیس کے مطابق، دھماکا کوئلے کی کان میں کام کرنے والے مزدوروں کی گاڑی کے قریب ہوا، جس کے نتیجے میں متعدد افراد زخمی ہوئے۔
دھماکے میں زخمی ہونے والے افراد کی حالت تشویشناک بتائی جارہی ہے، اور قانون نافذ کرنے والے اداروں کے اہلکار موقع پر پہنچ کر شواہد جمع کر رہے ہیں۔ ڈپٹی کمشنر ہرنائی کے مطابق، دھماکے میں جاں بحق اور زخمی ہونے والے بیشتر مزدوروں کا تعلق سوات اور شانگلہ سے ہے۔ زخمیوں کو فوری طور پر طبی امداد فراہم کی جا رہی ہے اور واقعے کی تحقیقات جاری ہیں۔ دھماکے کے حوالے سے مزید تفصیلات پولیس اور متعلقہ حکام سے متوقع ہیں۔
