اسلام آبا د: پاکستان کی قومی اسمبلی کا اجلاس آج (بروز جمعۃ المبارک) صبح 11 بجے دوبارہ شروع ہوگا۔ قومی اسمبلی سیکرٹریٹ نے اجلاس کا 8 نکاتی ایجنڈا جاری کر دیا ہے، جس میں وقفہ سوالات، توجہ دلاؤ نوٹس، اور قانون سازی شامل ہیں۔
اجلاس کے دوران وزیر قانون اعظم نذیر تارڑ دیوانی عدالتوں میں ترمیمی بل منظور کرنے کی تحریک پیش کریں گے، جبکہ وزیر داخلہ محسن نقوی پاکستان ساحلی محافظین ترمیمی بل منظور کرنے کی تحریک پیش کریں گے۔ ایجنڈے میں جگیوٹ روڈ اور سکندر اعظم روڈ اسلام آباد کی خستہ حالی، سرکاری شعبے کی یونیورسٹیوں کو درپیش مالی مشکلات کے متعلق توجہ دلاؤ نوٹس بھی شامل ہیں۔ اجلاس میں ان اہم مسائل پر بحث اور فیصلہ متوقع ہے۔
