اسلام آباد : پاکستان میں انٹرنیٹ اور سوشل میڈیا کو سروسز پر غیر اعلانیہ بندش کا سامنا ہے ،جس کے باعث فائیور نے پاکستانی فری لانسر کو انٹرنیٹ کی بار بار بندش کے باعث عدم دستیابی کو دیکھتے ہوئے آفیشلی غیر دستیاب قرار دے دیا۔
مشہور عالمی فری لانسنگ پلیٹ فارم فائیور نے پاکستانی فری لانسر زکو انٹرنیٹ کی بار بار بندش کے باعث عدم دستیابی کو دیکھتے ہوئے آفیشلی غیر دستیاب قرار دے کر کلائنٹس کو پاکستانی فری لانسرز کی جانب سے ملک بھر میں انٹرنیٹ کی وسیع رکاوٹوں کی وجہ سے ممکنہ تاخیر کے حوالے سے ایک نوٹیفکیشن جاری کیا ہے۔
پاکستان میں تکنیکی اور بنیادی خرابیوں کی وجہ سے انٹرنیٹ میں خلل بہت سے ڈیجیٹل پیشہ ور افراد اور فری لانسرز کے لیے چیلنجز کا باعث بنا ہے،فائیور سروس پر لاکھو ں پا کستانیو ں نے اپنے اکاؤنٹس بنائے ہو ئے تھے انٹرنیٹ سروس کےمتاثر ہو نے لاکھوں فری لانسرز کا کاروبار ٹھپ ہو کر رہ گیا ہے ۔
فری لانس خدمات کے لیے ایک عالمی معروف آن لائن مارکیٹ پلیس کے طور پر Fiverr نے صورتحال سے نمٹنے کے لیے فوری کارروائی کی ہے، پاکستان کے فری لانسرز کو عارضی طور پر غیر دستیاب کے طور پر نشان زد کردیا ۔
مارکٹ پلیس نے اپنے جاری کردیا نوٹیفکیشن میں کہا ہے کہ ہم سمجھتے ہیں کہ انٹرنیٹ میں رکاوٹیں ہو سکتی ہیں جو آپ کے معمولات کو جاری رکھنا مشکل بنا سکتی ہیں،اس بات کو یقینی بنانے کے لیے کہ کسی بھی متوقع تاخیر سے آپ کے بیچنے والے کی درجہ بندی کو نقصان نہیں پہنچے گا ہم آگے بڑھ رہے ہیں اور عارضی طور پر آپ کو غیر دستیاب کے طور پر ترتیب دے رہے ہیں۔
دوسری جانب پاکستان میں فری لانسرز گزشتہ چند ہفتوں سے انٹرنیٹ کی رکاوٹوں سے دوچار ہیں، پروجیکٹ کی آخری تاریخ کو پورا کرنے اور کلائنٹس کے ساتھ باقاعدہ رابطہ برقرار رکھنے کی ان کی صلاحیت میں رکاوٹ ہے،اس نے ان فری لانسرز میں کافی تناؤ پیدا کیا ہے جو اپنی روزی کمانے اور وعدوں کو پورا کرنے کے لیے مستحکم انٹرنیٹ کنیکشن پر انحصار کرتے ہیں۔
Fiverr کا نوٹیفکیشن ان مسائل کو تسلیم کرتا ہے اور غلط فہمیوں اور ممکنہ عدم اطمینان کو دور کرتے ہوئے کلائنٹس اور فری لانسرز کے لیے حفاظتی جال فراہم کرتا ہے،ان کا کہنا ہے کہ ہم پاکستان میں موجودہ صورتحال کا باریک بینی سے جائزہ لے رہے ہیں۔ہمیں احساس ہے پاکستان میں فری لانسرز کے لئے یہ ایک مشکل گھڑی ہے،امید کرتے ہیں پاکستان میں انٹرنیٹ کو درپیش مسائل جلد حل ہوں گے۔
