اللہ کا شکر ہے ہم آزاد ملک میں سانس لے رہے ہیں،مریم نواز کا 77ویں یو م آزادی کے موقع پر پیغا م

لاہور: وزیر اعلیٰ پنجاب مریم نواز شریف  کا کہناہے کہ اللہ کا شکر ہے ہم آزاد ملک میں سانس لے رہے ہیں۔

حضوری باغ میں یوم آزادی کے حوالے سے تقریب سے خطاب کرتے ہوئے مریم نواز  نے قو م کو یو م آزادی کی مبارکباد دی اور ان کا کہنا تھا  کہ میری دائیں جانب سپیشل بچے کھڑے ہیں،میں تمام بچوں کی حوصلہ افزائی کرنا چاہتی ہوں،اللہ تعالیٰ کا شکر ہے ہمیں آزادی جیسی نعمت سے نوازا گیا ہے۔

انہوں کا کہنا تھا  کہ بچوں نے پڑھا ہم زندہ قوم ہیں ہم پائندہ قوم ہیں، آنے والے دور میں ملک کی باگ ڈور نوجوانوں کے ہاتھ میں ہے،میرا ایک سوال ہے کیا ہم زندہ قوم ہیں۔یوم آزادی پر ہر پاکستانی خوش ہے،اللہ کا شکر ہے ہم آزاد ملک میں جی رہے ہیں۔

مریم نواز نے  اپنے کل کے میا ں چنو ں کے دورے کا ذکر کرتے ہو ئے کہا کہ کل میں ارشد ندیم کے گھر گئی تھی، میں نے ارشد ندیم کو تاریخی کامیابی پر خراج تحسین پیش کیا۔ پاکستان میں ٹیلنٹ کی کوئی کمی نہیں ہے ، پاکستان میں ٹیلنٹ موجود ہے بس تلاش  کر کے اسے نکھارنے کی ضرورت ہے ۔

وزیر اعلیٰ پنجاب نے  مزید کہا کہ اقلیتی برادری کا تحفظ ہم سب کی ذمہ داری ہے ، جتنا یہ وطن ہمارا ہے اتنا ہی اقلیتوں کا بھی ہے،سفید رنگ اقلیتوں کی نشاندہی کرتا ہے۔انہو ں نے بچو ں کو اپنے پیغا م میں کہا کہ ایمان اتحاد کی مثال بچوں نے قائم کرنی ہے۔ملک کا نام روشن کرنے کا سلسلہ جاری رہنا چاہیے، نام روشن کرنے کا سلسلہ دہائیوں بعد نہیں آنا چاہیے۔

ان کا کہنا تھا کہ پاکستان کو اللہ تعالیٰ نے بہت ساری نعمتوں سے نوازا ہے۔ فلسطین میں آج بہت مظالم ڈھائے جارہے ہیں، اللہ تعالیٰ فلسطین کو ظلم سے نجات دلائے۔ہمیں  اب یہ دیکھنا ہے کہ 77سال میں ہم کتنا کامیاب ہوئے، شہادتیں دے کر ہمارے جوان ملک کی حفاظت کررہے ہیں ان کی قربانیا ں رائیگاں نہیں جا نی چاہیے۔

مریم نواز کا مزید کہنا تھا کہ آج کے بعد عہد کریں جب بھی ہم سوچیں اپنے ملک کیلئے سوچیں گیں،  ہمیں اپنے پاکستا نی ہو نے پر فخر ہو نا چا ہیے ۔یہ ملک زندہ رہنے کیلئے بنا ہے، اللہ کرے یہ ملک ہمیشہ سب سے اونچا رہے، اللہ تعالیٰ اس ملک کو سلامت رکھے۔