لاہور: لاہور میں تاریخی مقامات کے دورے کے دوران ایران کے ایک وفد نے پنجابی سینما کی شاہکار فلم دی لیجنڈ آف مولا جٹ کو فارسی میں ڈب کرنے میں گہری دلچسپی لی ہے۔
اطلاعات کے مطابق وفاقی وزیر برائے ثقافتی ورثہ، عجائب گھر اور سیاحت کے عہدے پر فائز سید عزت اللہ زرغامی کی قیادت میں ایرانی حکام نے ایرانی قونصل جنرل مہران مواحدفر اور ڈی جی لاہور ایرانی کلچرل سینٹر جعفر روناس کے ہمراہ لاہور قلعہ، بادشاہی مسجد، اور مزار اقبال سمیت اہم مقامات پر دورے کا آغاز کیا۔
ان کی ثقافتی دوروں کے بعد وفد نے مشہور پاکستانی فلم، دی لیجنڈ آف مولا جٹ کے لیے اپنے جوش و جذبے کا اظہار کرتے ہوئے ایرانی ناظرین کے لیے تھیٹر میں ریلیز کرنے لے لیے اس فلم کو فارسی زبان میں ڈب کرنے کی خواہش کا اظہار کیا۔
یونیورسل سینماز ک کے اشتراک سے یحییٰ سلیم نے خصوصی سنیما کی سہولت فراہم کرتے ہوئے ایک نجی اسکریننگ کا اہتمام کیا۔ ایرانی مہمان اسکرین پر پیش کی گئی شاندار پرفارمنس سے مسحور ہوئےجس کی وجہ سے انہوں نے اپنی خواہش کا اظہار کیا کہ یہ فلم ایرانی عوام کے لیے لطف اندوز ہونے کا ذریعہ بنے۔
ایرانی تھیٹروں میں دی لیجنڈ آف مولا جٹ کا ممکنہ تعارف ایران اور برصغیر کے درمیان سنیما کے تعاون میں ایک اہم قدم کی نشاندہی کر سکتا ہے، جو ان دونوں خطوں کو باندھنے والے ثقافتی تعلقات کو مزید مضبوط کر سکتا ہے۔
فواد خان، حمزہ علی عباسی اور ماہرہ خان کی گزشتہ سال 13 اکتوبر کو ریلیز ہونے والی اس بلاک بسٹر کو اب تک کی سب سے بڑی پاکستانی فلم قرار دیا گیا تھا۔ پروڈیوسر عمارہ حکمت نے حال ہی میں انکشاف کیا کہ فلم نے دنیا بھر میں 400 کروڑ روپے سے زیادہ کا بزنس کیا ہے۔ پروڈیوسر نے اپنے انسٹاگرام اکاؤنٹ پر ایک خبر کی رپورٹ شیئر کی ہے کہ باکس آفس پر زبردست کمائی کے ساتھ، اس کا عظیم کام اب بھی مضبوط ہے۔
