مکۃ المکرمۃ : مسلمانوں کے لیے خوش خبری ہے ۔ سعودی عرب نےعمرہ زائرین کی تعداد 100 فیصد بڑھانے کا اعلان کردیا ہے۔ غیرملکی معتمرین بھی مکہ پہنچنا شروع ہوگئے ہیں۔
سعودی وزارت حج و عمرہ کی طرف سے جاری بیان میں کہا گیا ہے کہ عمرہ زائرین کی تعداد روزانہ 60 ہزار سے بڑھا کر 90 ہزار کی جارہی ہے جو بعد ازاں ایک لاکھ بیس ہزار روزانہ تک بڑھا دی جائے گی۔
NEWS | The Ministry of Hajj and Umrah:
— Inside the Haramain (@insharifain) August 14, 2021
The Capacity of Umrah Pilgrims will be gradually raised from 60,000 to 90,000 and then 120,000 per day.
5 pilgrims from Nigeria arrived on Friday Evening and 50 Pilgrims will arrive on Saturday..
دوسری طرف عمرہ کی ادائیگی کے لیے رواں اسلامی سال کا پہلا غیرملکی قافلہ مکہ پہنچ گئے ہیں ۔ 5 نائیجرین باشندے گزشتہ روز مکہ پہنچے تھے جبکہ 50 عمرہ زائرین آج مکہ پہنچے ہیں۔
واضح رہے کہ کورونا ایس او پیز کے تحت سعودی حکام نے عمرہ زائرین پر پابندی لگادی تھی تاہم رواں سال حج کے بعد سعودی حکام نے 60 ہزار معتمرین کو روزانہ عمرہ ادا کرنے کی اجازت دی تھی۔
