اسلام آباد:پاکستان کے 72ویں یوم آزادی کے موقع پر تحریک انصاف کے چیئرمین اور ملک کے متوقع وزیراعظم عمران خان نے کہا کہ قوم اتحاد کا دامن تھام لے ۔
تفصیلات کے مطابق پاکستان تحریک انصاف کے چیئرمین اور ملک کے متوقع وزیراعظم عمران خان نے 72ویں یوم آزادی کے موقع پر سوشل میڈیا کی ویب سائٹ ٹوئیٹر پر اپنے پیغام میں کہا کہ قوم اتحاد کے دامن کو تھام لے ۔
14 Aug 2018: On this Independence Day I am filled with the greatest optimism. Despite our grave economic crises, due to corruption & cronyism, I know if we are united in our resolve, we will rise to the challenge & Pak will become the great nation envisaged by our Quaid & Iqbal pic.twitter.com/T4EM7kToDE
— Imran Khan (@ImranKhanPTI) August 13, 2018
انھوں نے کہا کہ یوم آزادی کے موقع پر میرے دل میں امید کا ایک عظیم چراغ روشن ہے ، اقربا پروری اور بدعنوانی کے باعث ملکی معیشت کو سنگین بحران کا سامنا ضرور ہے تاہم مجھے یقین ہے کہ اگر ہم نے اتحاد کا دامن تھامے رکھا تو اپنی منزل پالیں گے ، پاکستان قائد اعظم اور علامہ اقبال کے خوابوں کی تعبیر بنے گا۔
پی ایم ایل این کے صدر اور اپوزیشن کی جانب سے وزیر اعظم کےلیے نامزد امیدوار شہباز شریف نے قوم کو جشن آزادی کی مبارک باد دی۔
آپ سب کو میری طرف سے اور قائد پاکستان مسلم لیگ محمد نواز شریف کی طرف سے یوم آزادی مبارک!
— Shehbaz Sharif (@CMShehbaz) August 14, 2018
نجات دیدہ و دل کی گھڑی نہیں آئی
چلے چلو کہ وہ منزل ابھی نہیں آئی
پاکستان زندہ باد! https://t.co/MtVtTzEQNE
ٹوئٹر پر ایک پیغام میں انہوں نے کہا کہ یوم آزادی ہمارے لیے تشکر کا دن ہے اور اس ہمیں یہ یاد رکھنا چاہیے کہ ایک الگ مملکت حاصل کرنے کے لیے برصغیر کے مسلمان قائد اعظم محمد علی جناح کی قیادت میں کس طرح متحد ہوئے۔
انہوں نے کہا کہ آج کا دن میں اس ملک کے لیے قربانیاں دینے والوں کو خراج تحسین پیش کرتا ہوں ،اس موقع پر انہوں نے مسلم لیگ (ن) کے تاحیات قائد نواز شریف کی جانب سے بھی قوم کو یوم آزادی کی مبارک باد دی۔
ملک کے جشن آزادی کے موقع پر پاکستان پیپلز پارٹی کے چیئرمین بلاول بھٹو زرداری کی جانب سے بھی قوم کو مبارک باد دی گئی۔
I share the joy of every Pakistani today in celebrating our independence. It is still a long & difficult road ahead to prosperity, peace & equality but for right now let us come together to celebrate Pakistan ???????? #PakistanZindabad
— BilawalBhuttoZardari (@BBhuttoZardari) August 13, 2018
ٹوئٹر پر ایک ٹوئٹ میں انہوں نے کہا کہ میں یوم آزادی کے جشن میں تمام پاکستانیوں کے ساتھ شریک ہوں ، انہوں نے کہا کہ خوشحالی، امن، مساوات کا راستہ کافی طویل ہے لیکن ابھی ہم سب کو مل کر اس جشن کو منانا چاہئے۔
یوم آزادی کے موقع پر پاک فوج بھی قوم کے شانہ بشانہ کھڑی رہی اور آرمی چیف جنرل قمر جاوید باجوہ نے سرسبز شاداب پاکستان مہم کا آغاز کیا اور قوم کو جشن آزادی کی مبارک باد دی۔
اس کے علاوہ پاک فوج کے شعبہ تعلقات عامہ کے ڈائریکٹر جنرل میجر جنرل آصف غفور نے بھی قوم کو یوم آزادی کی مبارک باد پیش کی۔
ہم سب کو ہمارا یوم آزادی مبارک۔
اللٰٓہ تبارک وتعالٰی ہمارے پیارے وطن کو ہمیشہ محفوظ، شاد و آباد رکھیں۔ اس مقصد کیلئے ہمیں متحد، پُر عزم اور ثابت قدم رکھیں۔ آمین۔
افواج پاکستان زندہ آباد
پاکستان پائندہ آباد۔
اپنے ذاتی ٹوئٹر اکاؤنٹ سے ایک ٹوئٹ کرتے ہوئے انہوں نے کہا کہ اللہ تبارک وتعالٰی ہمارے پیارے وطن کو ہمیشہ محفوظ، شاد و آباد رکھیں اور اس مقصد کے لیے ہمیں متحد، پُر عزم اور ثابت قدم رکھیں۔
