کراچی: پاکستان سپر لیگ (پی ایس ایل) 2025 کے دوران کوئٹہ گلیڈی ایٹرز کے سپنر عثمان طارق کا بولنگ ایکشن مشکوک قرار دے دیا گیا ہے۔
یہ رپورٹ لاہور قلندرز کے خلاف کھیلے گئے میچ میں آن فیلڈ امپائرز احسن رضا اور کرس براؤن نے عثمان طارق کے ایکشن پر اٹھائی۔ پی ایس ایل کے قوانین کے مطابق، عثمان طارق ابھی بھی بولنگ جاری رکھ سکتے ہیں لیکن اگر ان کا ایکشن دوبارہ رپورٹ کیا گیا تو انہیں بولنگ سے روکا جا سکتا ہے۔
اگر ان کا ایکشن معطل ہوتا ہے تو انہیں دوبارہ بولنگ کی اجازت لینے کے لیے آئی سی سی کی منظور شدہ لیبارٹری سے کلیئرنس حاصل کرنا ہوگی۔ پی ایس ایل حکام نے عثمان طارق کے ایکشن کی تفصیلات اکٹھی کرنا شروع کر دی ہیں تاکہ مزید تحقیقات کی جا سکیں۔
