کراچی: شہر میں پیش آئے دو مختلف ٹریفک حادثات میں ملوث ٹرک ڈرائیورز کو عدالت میں پیش کیا گیا۔ شارع فیصل پر پولیس موبائل کو ٹکر مارنے والے ڈرائیور شفیق الرحمٰن کو ضمانت پر رہا کر دیا گیا، جبکہ نیو چالی حادثے میں دو افراد کی ہلاکت کے مقدمے میں ٹرالر ڈرائیور عابد علی کو جسمانی ریمانڈ پر پولیس کے حوالے کر دیا گیا۔
شارع فیصل کے واقعے کی ویڈیو سوشل میڈیا پر وائرل ہوئی تھی، جبکہ نیو چالی کا حادثہ تھانہ میٹھادر کی حدود میں پیش آیا تھا۔ پولیس دونوں مقدمات کی مزید تفتیش کر رہی ہے۔
