لاہور :پاکستانی اداکار عثمان خالد بٹ کے والد ڈاکٹر خالد سعید بٹ انتقال کرگئے۔
اداکار عثمان خالد بٹ نے سماجی رابطے کی ویب سائٹ ٹوئٹر پر مداحوں کو اپنے والد ڈاکٹر خالد سعید بٹ کے انتقال سے متعلق آگاہ کیا انہوں نے لکھا کہ ’13 اپریل کی رات کو میرے والد ڈاکٹر خالد سعید بٹ کا انتقال ہوگیا، والد کی خواہش کے مطابق ان کی نماز جنازہ بعد از نماز جمعہ لاہور کے علاقئےکیولری گراؤنڈ ایکسٹینشن کے قریب خالد مسجد میں ادا کی جائے گی۔
Inna lillahi wa inna ilayhi raji’un.
— Osman Khalid Butt 🇵🇸 (@aClockworkObi) April 13, 2023
Our beloved father, Dr. Khalid Said Butt, passed away peacefully on the night of the 13th. As per his wishes, his Namaz-e-Janaza (funeral prayers) will be held at 2:30 pm on Friday at Khalid Masjid, Cavalry Ground Extension, Lahore. pic.twitter.com/fabOAwiteu
عثمان خالد بٹ نے اپنی ٹوئٹس میں مداحوں کو مرحوم والد کی شعبہ فن و ثقافت کیلئے خدمات کو خراج تحسین پیش کرتے ہوئے لکھا کہ "والد نے فنون لطیفہ کے میدان میں بے شمار کامیابیاں حاصل کیں اور اس شعبے میں ان کی خدمات لازوال ہیں"۔
اداکار نے مداحوں کے ساتھ اپنے جذبات و احساسات شیئرکرتے ہوئے لکھا کہ "یہ ایک عظیم نقصان ہے لیکن اللہ سبحان و تعالیٰ نے صبر و تحمل کا حکم دیا ہے، برائے مہربانی میرے والد کی مغفرت کے لیے دعا کریں"۔
He was the Founding Director General of the Pakistan National Council of the Arts, former DG of Lok Virsa, former MD NAFDEC, former DG National Hijra Council. He was an esteemed actor, director and writer of stage and screen, responsible for launching the careers of /cont’d
— Osman Khalid Butt 🇵🇸 (@aClockworkObi) April 13, 2023
یاد رہے کہ مرحوم ڈاکٹر خالد سعید بٹ نے بحیثیت بانی ڈائریکٹر جنرل پاکستان نیشنل کونسل آف دی آرٹس (پی این سی اے)، سابق ڈائریکٹر جنرل لوک ورثہ، سابق ایم ڈی نیف ڈیک، سابق ڈی جی نیشنل حجرہ کونسل اپنی خدمات سر انجام دیں۔اس کے ساتھ ساتھ وہ سٹیج، ٹی وی اداکار، ہدایت کار اور مصنف بھی تھے۔
