اسلام آباد: سابق وزیر اعظم عمران خان نے کہا ہے کہ حکومت اور اس کے ہینڈلرز ہمیں دیوار سے لگا رہے ہیں ۔ انہیں خبردار کرتا ہوں کہ اس کے نتائج بھگتنا پڑیں گے۔ آج سینیٹر سیف اللہ نیازی کے گھر چھاپہ مارا اور اس کا کمپیوٹر اور موبائل فون ساتھ لے گئے۔
عمران خان نے اپنے ٹویٹ میں کہا کہ ایک طرف امپورٹڈ حکومت ہمیں سیلاب کی وجہ سے سیاست کرنے سے باز رہنے کا کہہ رہی ہے اور دوسری طرف وہ ہمیں ہراساں اور ہمارے خلاف جھوٹے مقدمات میں اضافہ کر رہی ہے۔ ہماری حمایت کرنے والے صحافیوں پر ظلم کر رہی ہے ۔ ٹی وی چینلز اور یوٹیوب پر ہماری کوریج معطل کر رہی ہے۔
Their desperation led to their blacking out our Telethon for flood relief. Today they raided Senator Saif Nyazee's home & took away his cell & computer. Imported govt & handlers are pushing us to the wall. I am warning them there will be consequences they will have to face.
— Imran Khan (@ImranKhanPTI) September 13, 2022
عمران خان نے کہا کہ امپورٹڈ نے مایوس ہو کرسیلاب متاثرین کی مدد کے لیے ہماری ٹیلی تھون کو بلیک آؤٹ کر دیا۔ آج سینیٹر سیف نیازی کے گھر پر چھاپہ مارا اور ان کا فون اور کمپیوٹر ساتھ لے گئے۔
چیئرمین تحریک انصاف نے کہا کہ امپورٹڈ حکومت اور ہینڈلرز ہمیں دیوار سے لگا رہے ہیں۔ میں انہیں خبردار کر رہا ہوں کہ اس کے نتائج انہیں بھگتنا پڑیں گے۔
