لاہور:پاکستان کرکٹ بورڈ (پی سی بی) نے انٹرنیشنل کرکٹ کونسل (آئی سی سی) کو خط لکھ کر بھارتی کرکٹ بورڈ (بی سی سی آئی) کی جانب سے چیمپئنز ٹرافی کے لیے پاکستان نہ آنے کے فیصلے پر وضاحت طلب کی ہے۔
پی سی بی نے خط میں سوال کیا کہ بھارتی کرکٹ بورڈ نے کب اور کس بنیاد پر پاکستان نہ آنے کا فیصلہ کیا اور کیا انہوں نے آئی سی سی کو تحریری طور پر اپنے فیصلے سے آگاہ کیا؟ پی سی بی نے مزید کہا کہ بھارتی کرکٹ بورڈ کی معذرت اور آئی سی سی کی جانب سے جواب کی کاپی بھی طلب کی گئی ہے۔
ذرائع کے مطابق پی سی بی حکومتی گائیڈنس کے بعد قانونی مشورہ لے کر آئندہ کا لائحہ عمل طے کرے گا اور اگر بھارت ٹیم پاکستان نہ بھیجتا ہے تو چیمپئنز ٹرافی کے دوران بھارت سے میچ نہ کھیلنے کا فیصلہ کیا جائے گا۔