معروف ماڈل انعم ملک نے شوبز انڈسٹری کو خیرباد کہہ دیا ۔
آئندہ زندگی اسلام کے اصولوں کے مطابق گذاروں گی۔انعم ملک
فیشن اور لائم لائٹ کی دنیا میں بہت جلد اپنا نام بنانے والی انعم ملک نے انڈسٹری چھوڑدی ۔ انعم ملک نے اپنے انسٹاگرام اکاونٹ پر حجاب میں تصویرشیئر کردی ۔
اپنی سٹوری میں انعم ملک کا کہنا ہے کہ مداح ان سے پوچھ رہے ہیں کہ انہوں فیشن اور شوبز انڈسٹری کیوں چھوڑی ۔میں اس بارے میں بہت جلد بات کروں گی اور سب کو اپنے نئے سفر کے بارے میں آگاہ کروں گی ۔
انعم ملک کا کہنا تھا کہ میں نے اپنی آئندہ زندگی اسلام کے اصولوں کے مطابق گذارنے کا فیصلہ کیا ہے ۔ اپنے انسٹاگرام اکاؤنٹ میں انہوں نے یہ بھی لکھا کہ اللہ جس کو چاہے ہدایت دیتا ہے ۔
انعم ملک نے اپنے تمام سوشل اکائونٹس سے اپنی شوبز سے جڑی تصاویر ہٹا دی ہیں اور حجاب میں اپنی تصاویر کو شیئر کررہی ہیں ۔
یاد رہے کہ انعم ملک کے شوہر بھی آرٹسٹ ہیں ۔
