فلسطینیوں پر مظالم، ہالی وڈ اداکار مارک رفالو نے اسرائیل پر پابندیوں کا مطالبہ کردیا

متفرق خبریں انٹرٹینمینٹ 
 
فلسطینیوں پر مظالم، ہالی وڈ اداکار مارک رفالو نے اسرائیل پر پابندیوں کا مطالبہ کردیا

لاس اینجلس: آئرن مین 3، اوینجرز آف الٹرون، اینڈ گیم، اوینجرز، کیپٹن مارول، رنگناروک، تھور اور دی اوینجرز جیسی شہرہ آفاق فلموں میں کام کرنے والے ہالی ووڈ اداکار مارک رفالو نے فلسطینیوں پر مظالم کی شدید مذمت کرتے ہوئے صہیونی ریاست اسرائیل پر پابندی لگانے کا مطالبہ کر دیا ہے۔

ہالی ووڈ اداکار مارک رفالو نے سماجی رابطوں کی ویب سائٹ ٹویٹر پر جاری اپنے مذمتی بیان میں کہا کہ جس طرح عالمی دنیا نے نسل کشی اور فسادات پر فوری ایکشن لیتے ہوئے ماضی میں جنوبی افریقا پر پابندیاں لگائی تھیں بالکل اسی طرح آج اسرائیل پر بھی ایسی ہی پابندیوں کی ضرورت ہے۔

گرفتاریاں ہوں گی اگر قانون شکنی کی گئی:وزیراعلیٰ پنجاب مریم نواز کی پی ٹی آئی کو وارننگ

مارک رفالو نے اپنی ٹویٹ میں اسرائیل کیخلاف پابندیوں کیلئے ایک آن لائن پٹیشن بھی شیئر کی۔ انہوں نے اسرائیل کے مظالم کو آشکار کرتے ہوئے لکھا کہ صہیونی ریاست کی حالیہ کارروائیوں میں ہزاروں فلسطینی اپنے گھروں سے بے گھر ہو چکے ہیں جبکہ بچوں سمیت سینکڑوں کو شہید کر دیا گیا ہے۔

اس آن لائن پٹیشن کیلئے تقریباً بیس لاکھ افراد کے دستخط چاہیں۔ اس پٹیشن میں امریکا سے مطالبہ کیا گیا ہے کہ جنوبی افریقا کی طرح اسرائیل پر پابندیاں لگائی جائیں جو اس وقت مظوم فلسطینیوں کی نسل کشی میں مصروف ہے۔

پنجاب اسمبلی میں زرعی انکم ٹیکس بل 2024 کی منظوری، پیپلز پارٹی کی شدید مخالفت

مارک رفالو کی ٹوئٹ پر درجنوں افراد نے کمنٹس کیے اور ان کی جانب سے فلسطینیوں کی حمایت کرنے پر ان کی تعریفیں بھی کی گئیں لیکن بعض افراد نے انہیں تنقید کا نشانہ بھی بنایا اور انہیں یاد دلایا کہ حالیہ دنوں میں اسرائیل پر بھی حملے کیے گئے ہیں۔

پاکستانی اداکارہ اشنٰی شاہ نے بھی ہالی ووڈ مارک رفالو کی ٹویٹ کو ری ٹویٹ کیا ہے۔ ان کا کہنا ہے کہ میرے دل میں مارک رفالو کی عزت میں مزید اضافہ ہوا ہے۔

خواجہ آصف کی لندن پولیس میں چاقو سے قتل کی دھمکی کی رپورٹ درج

یہ بات ذہن میں رہے کہ مارک رفالو کے علاوہ سپر ماڈل جی جی، بیلا حدید، بالی وڈ اداکارہ سوارا بھاسکر، نوبل انعام یافتہ پاکستانی طالبہ ملالہ یوسف زئی اور گریٹا تھونبرگ نے بھی اسرائیلی مظالم پر اپنی آواز بلند کی ہے۔