اسرائیل کے فلسطینیوں پر مظالم، پاکستانی کرکٹرز کی شدید مذمت

متفرق خبریں کھیل 
 
اسرائیل کے فلسطینیوں پر مظالم، پاکستانی کرکٹرز کی شدید مذمت

لاہور: پاکستانی کرکٹرز نے بھی نہتے فلسطینیوں پر اسرائیل کے مظالم پر آواز بلند کرتے ہوئے اسے بہیمانہ قرار دیدیا ہے۔ کرکٹرز کا کہنا ہے کہ عالمی برادری کو اس ظلم وزیادتی کیخلاف آواز بلند کرنی چاہیے۔

اس سلسلے میں کپتان بابر اعظم کی جانب سے سماجی رابطوں کی ویب سائٹ ٹویٹر پر ایک مذمتی بیان جاری ہوا ہے جس میں انہوں نے کہا ہے کہ ہمیں انسانیت کی خاطر اس ظلم کیخلاف کھڑے ہونا چاہیے۔ میں فلسطینی عوام کیلئے دعاگو ہوں۔

پیٹرول اور ڈیزل کی قیمتیں برقرار، فروخت میں معمولی اضافہ

قومی کرکٹر احمد شہزاد نے بھی اپنی ٹویٹ میں لکھا کہ انھیں فلسطین میں ہونے والے حملوں پر بہت دکھ ہے۔ ان پُرتشدد کارروائیوں کیخلاف فوری اقدامات کی ضرورت ہے۔ اللہ فلسطینی بھائیوں اور بہنوں کی مدد فرمائے، میں ان کیلئے دعاگو ہوں۔

مصنوعی بارش کی ٹیکنالوجی کا کامیاب تجربہ، اسموگ میں کمی کی امید

قومی ٹیم کے آل راؤنڈر وہاب ریاض کی جانب سے بھی جاری مذمتی بیان میں کہا گیا ہے کہ میں اسرائیل کا ظلم سہہ رہے فلسطینی بچوں، بھائیوں اور بہنوں کیلئے خدا کے حضور دعاگو ہوں۔ میری اللہ پاک سے دعا ہے کہ وہ اس مشکل وقت میں ان سب کی مدد فرمائے۔ فلسطین میں جو کچھ ہو رہا ہے، وہ انتہائی دل گرفتہ ہے۔

پاکستانی کرکٹر محمد عامر نے اسرائیل کی مذمت کرتے ہوئے کہا کہ ہر اسلامی ملک کم از کم اپنے فلسطینی بھائیوں کیلئے آواز تو بلند کرے، ان کی زندگی بھی معنی رکھتی ہے۔

"عمران خان اور سابق جنرلز نے میرے خلاف سازش کی، سب سے زیادہ ظلم ہم نے برداشت کیے: نواز شریف"

پاکستانی ٹیم کے اوپنر کھلاڑی فخر زمان کا کہنا تھا کہ اسرائیل وہ تمام غیر قانونی اقدامات اٹھا رہا ہے جس سے عالمی امن مجروع ہو سکے۔ نہتے فلسطینیوں کو ان کے گھروں اور زمینیوں سے بے دخل کیا جا رہا ہے جبکہ مسجد اقصیٰ میں نماز پڑھنے والے نہتے مسلمانوں پر بھی حملے کئے جا رہے ہیں۔

سینئر کرکٹر محمد حفیظ نے وزیراعظم عمران خان کی ٹویٹ پر اپنا ردعمل دیتے ہوئے کہا ہے کہ میں محمد حفیظ ہوں، ایک محب وطن پاکستانی اور مسلمان، ہم غزہ اور فلسطین کے ساتھ کھڑے ہیں۔

یوٹیوب کی جانب سے لائیو اسٹریمز کے ذریعے پیسے کمانے کے لیے "جیولز" کرنسی متعارف