اسلام آباد : ڈسٹرکٹ اینڈ سیشن کورٹس اسلام آباد نے شراب اور اسلحہ برآمدگی کیس میں وزیراعلیٰ خیبرپختونخوا علی امین گنڈاپور کے وارنٹ گرفتاری برقرار رکھے ہیں۔
جوڈیشل مجسٹریٹ مبشر حسن چشتی نے علی امین گنڈاپور کے خلاف کیس کی سماعت کی، تاہم وزیراعلیٰ خیبرپختونخوا اور ان کے وکیل عدالت میں پیش نہیں ہوئے۔ اس کے علاوہ، وارنٹ گرفتاری کے حوالے سے پولیس رپورٹ بھی آج عدالت میں جمع نہیں کرائی جا سکی۔عدالت نے وزیراعلیٰ خیبرپختونخوا علی امین گنڈاپور کے وارنٹ گرفتاری برقرار رکھتے ہوئے کیس کی سماعت 7 اپریل تک ملتوی کر دی۔ یاد رہے کہ علی امین گنڈاپور کے خلاف تھانہ بھارہ کہو میں مقدمہ درج ہے، جس میں شراب اور اسلحہ برآمد ہونے کا الزام ہے۔
