لاہور : نیشنل ٹی ٹونٹی کپ کل 14 مارچ سے شروع ہو رہا ہے جس میں 16 ریجنز کی 18 ٹیمیں حصہ لیں گی۔ یہ ٹورنامنٹ تین شہروں فیصل آباد، لاہور اور ملتان میں کھیلا جائے گا۔ لاہور کا قذافی اسٹیڈیم اور ایل سی سی اے میچز کی میزبانی کریں گے، جبکہ فیصل آباد کا اقبال اسٹیڈیم اور ملتان کا ملتان کرکٹ اسٹیڈیم بھی ان میچز کی میزبانی کریں گے۔
ٹورنامنٹ میں 39 میچز کھیلے جائیں گے اور اس کی مجموعی انعامی رقم 94 لاکھ روپے رکھی گئی ہے، جس میں فاتح ٹیم کو 50 لاکھ روپے اور رنرز اپ کو 25 لاکھ روپے ملیں گے۔
ٹورنامنٹ کی ٹیمیں چار گروپس میں تقسیم کی گئی ہیں جن میں گروپ اے میں کراچی ریجن (بلوز)، لاہور ریجن (وائٹس)، لاڑکانہ ریجن، پشاور ریجن اور کوئٹہ ریجن شامل ہیں۔
گروپ بی میں دفاعی چیمپئن کراچی ریجن (وائٹس)، بہاولپور ریجن، لاہور ریجن (بلوز)، ڈیرہ مراد جمالی اور اسلام آباد ریجن ہیں۔جبکہ گروپ سی میں ایبٹ آباد ریجن، فیصل آباد ریجن، حیدرآباد ریجن اور راولپنڈی ریجن کی ٹیمیں ہوں گی۔اس کے علاوہ گروپ ڈی میں اے جے کے ریجن، فاٹا ریجن، ملتان ریجن اور سیالکوٹ ریجن کی ٹیمیں شامل ہیں۔
سیمی فائنلز 26 مارچ بروز بدھ کو اسی مقام پر ہوں گے، جبکہ فائنل 27 مارچ کو فیصل آباد کے اقبال سٹیڈیم میں کھیلا جائے گا، جو شام 7 بجے شروع ہوگا۔ اسی دن دوسرا میچ رات 11 بجے کھیلا جائے گا۔ لاہور اور ملتان میں ہونے والے میچز میں پہلی گیند شام 4 بجے کرائی جائے گی جبکہ دوسرا میچ رات 9 بجے شروع ہوگا۔
