ممبئی: بالی وڈ اداکارہ دپیکا پڈوکون نے ہالی وڈ میں فلم ’ٹرپل ایکس دی ریٹرن آف زینڈر کیج‘ کے ساتھ کامیاب انٹری کی جس کے بعد سے ان کے مداح یہی جاننا چاہتے ہیں کہ وہ دوسری ہالی وڈ فلم کون سی کریں گی اور اب ایسا لگ رہا ہے جیسے دپیکا پڈوکون نے دوسری ہالی وڈ فلم بھی سائن کر لی ہے لیکن یہ کوئی نئی فلم نہیں بلکہ ان کی کامیاب ہالی وڈ فلم ڈیبیو کا سیکوئل ہی ہو گا۔
Yes meetings next week. Honing in on story and start dates
— D.j. Caruso (@Deejaycar) June 12, 2017
سماجی رابطے کی ویب سائٹ ٹوئٹر پر جب فلم کے ہدایت کار ڈی جے کروسو سے فلم کے سیکوئل میں دپیکا کو کاسٹ کرنے کا سوال کیا گیا تو انہوں نے اس کی حامی بھرتے ہوئے بتایا کہ دپیکا پڈوکون بھی اس فلم میں موجود ہوں گی۔
Oh yes
— D.j. Caruso (@Deejaycar) June 12, 2017
واضح رہے کہ فلم ‘ٹرپل ایکس دی ریٹرن آف زینڈر کیج‘ میں دپیکا نے سرینا انگر نامی جاسوس کا کردار ادا کیا تھا۔ اب دیکھنا یہ ہے کہ دپیکا پڈوکون اپنے مصروف شیڈول میں سے وقت نکال کر اس نئی ہالی وڈ فلم کو کب سائن کریں گی۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
