لاہور: وزیرِ اعلیٰ پنجاب مریم نواز نے 14 اگست سے سولر پینل کی تقسیم شروع کرنے کا فیصلہ کر لیا۔
اس حوالے سے مریم نواز کا کہنا تھا کہ 200 یونٹ تک بجلی استعمال کرنے والے 14 اگست سے مفت سولر پینل حاصل کر سکیں گے۔200 سے زائد اور 500 یونٹ تک بجلی استعمال کرنے والوں کو سولر پینل 10 فیصد معاوضےکی ادائیگی پر ملیں گے، سولر پینل کی فراہمی بینکوں کے ذریعے ہو گی۔
سی طرح 500 یونٹ تک بجلی استعمال کرنے والے عوام کو سولر پینل کی فراہمی کی 90 فیصد رقم پنجاب حکومت ادا کرے گی اور بلا سود ادائیگی پانچ سال میں کرنا ہو گی جبکہ سولر پینل کی فراہمی بینکوں کے ذریعے ہو گی۔
مریم نواز کا مزید کہنا ہے کہ سولر پینلز کی فراہمی سے بجلی بل میں 40 فیصد کمی ہو گی، عوام کو ریلیف دینا ہی میرا مشن ہے۔ وزیر اعلیٰ مریم نواز نے یہ بھی کہا کہ مشکل حالات ہیں لیکن ہم عوام کے ساتھ ہیں اور رہیں گے۔