اسلام آباد: الیکشن کمیشن کی عام انتخابات کی تیاریاں جاری ہیں۔ آئندہ عام انتخابات میں نتائج کی وصولی کیلئے ای ایم ایس سسٹم کے استعمال کیا جائے گا، الیکشن کمیشن نے الیکشن مینجمنٹ سسٹم پر الیکشن عملے کی ٹریننگ کا آغاز کردیا ہے۔
الیکشن کمیشن ذرائع کے مطابق آئندہ عام انتخابات میں نتائج کی وصولی کیلئے ای ایم ایس سسٹم کے استعمال کیا جائے گا جس کے لیے الیکشن کمیشن نے آج سے ای ایم ایس پر الیکشن کمیشن عملے کی ٹریننگ کا آغاز کردیا ہے۔
ذرائع کا کہنا ہے کہ الیکشن کمیشن سیکریٹریٹ کے 40 آئی ٹی کے افسران کو ای ایم ایس پر دو روزہ ٹریننگ کا اغاز کردیا گیا ۔
ضلعی الیکشن کمشنرز کو ای ایم ایس پر 17 جولائی سے 20 جولائی تک ٹریننگ دی جائے گی جبکہ صوبائی الیکشن کمشنرز اور ریجنل الیکشن کمشنرز کو 24 جولائی سے 26 جولائی تک ٹریننگ دی جائے گی۔
الیکشن کمیشن نے ٹریننگ کے حوالے سے تمام صوبائی الیکشن کمشنرز کو بھی مراسلے لکھ دیے ہیں۔