پشاور :پشاور کے علاقے موسم خان گڑھی میں دو بھائیوں کے درمیان جھگڑے کے بعد فائرنگ کا افسوسناک واقعہ پیش آیا، جس کے نتیجے میں دونوں بھائی جاں بحق ہوگئے۔
پولیس کے مطابق مظہر اور ذوالفقار، دونوں بھائیوں نے جھگڑے کے دوران ایک دوسرے پر گولیاں چلائیں۔ اہل خانہ نے بتایا کہ مظہر نشے کا عادی تھا اور اکثر گھر والوں سے جھگڑا کرتا تھا۔ گزشتہ روز بھی اسی نوعیت کا تنازع فائرنگ تک پہنچا۔
دونوں لاشوں کو پوسٹ مارٹم کے لیے منتقل کر دیا گیا، جبکہ جائے وقوعہ سے شواہد اکٹھے کرکے تحقیقات کا آغاز کر دیا گیا ہے۔