تل ابیب : امریکی صدر جوبائیڈن اور اسرائیلی وزیراعظم نیتن یاہو کے درمیان ٹیلیفون پر بات چیت ہوئی ہے، جس میں دونوں رہنماؤں نے دوحا میں جاری غزہ جنگ بندی اور یرغمالیوں کی رہائی کے معاہدے کے مذاکرات پر تبادلہ خیال کیا۔
وائٹ ہاؤس کے مطابق، صدر بائیڈن نے نیتن یاہو پر جنگ بندی کے نفاذ، یرغمالیوں کی رہائی اور غزہ میں فوری امداد کی فراہمی بڑھانے کی اہمیت پر زور دیا۔ اس موقع پر اسرائیلی وزیراعظم نیتن یاہو نے امریکی صدر کو مذاکرات کی پیش رفت اور متعلقہ اقدامات سے آگاہ کیا۔