لاہور : لاہور سمیت پنجاب بھر میں موسم سرما کی تعطیلات کے بعد آج سے سرکاری اور نجی سکولوں میں تعلیمی سرگرمیاں دوبارہ شروع ہو گئیں۔ محکمہ تعلیم نے حالیہ سردی کی لہر کو مدنظر رکھتے ہوئے سکولوں کے اوقات کار میں تبدیلی کر دی ہے اور نئی ٹائمنگ جاری کر دی ہے۔
محکمہ تعلیم کے مطابق، اب سکولوں کے اوقات کار پیر سے جمعرات تک صبح 9 سے دوپہر 2 بجے تک ہوں گے، جبکہ جمعہ کے روز سکول صبح 9 سے دوپہر 12 بجے تک کھلیں گے۔ سردی کے پیش نظر، خصوصی بچوں کے تعلیمی اداروں میں یونیفارم میں نرمی کی اجازت بھی دی گئی ہے، جو 13 جنوری سے 15 فروری تک نافذ رہے گی۔