سعودی عرب میں فی بیرل تیل کی قیمت 70 ڈالر سے تجاوز

دمام : سعودی عرب میں 3 برسوں میں پہلی مرتبہ ایک بیرل پٹرول کی قیمت 70 ڈالر سے تجاوز کرگئی۔ گئی۔اس سے سعودی معیشت میں بہتری متوقع ہے۔ 

مقامی میڈیا کے مطابق بین الاقوامی مارکیٹ میں خام تیل کی قیمتوں میں اضافہ جاری ہے۔ گزشتہ ہفتے اس کی قیمت میں 3 فیصد اضافہ نوٹ کیا گیا۔ فی بیرل تیل کی قیمت 70 ڈالر سے تجاوز کر گئی۔اس سے سعودی معیشت میں بہتری متوقع ہے۔ اس کے ساتھ ہی اسٹاک مارکیٹ میںبھی بہتری دیکھی گئی۔ تداول آل شیئر انڈیکس 60.98 پوائنٹس اضافے کے بعد 7338.04پوائنٹس پر بند ہوا۔ باقی سارے اشاریئے منفی زون پر بند ہوئے۔ کاروباری مالیت 27 فیصد کمی کے بعد 15ارب ریال تک گر گئی۔ سودوں میں 19اور حجم میں 29 فیصد کی کمی دیکھی گئی۔ سرمایہ کاروں کو 14ارب ریال کا فائدہ ہوا۔
مارکیٹ کیپٹلائزیشن 1711ارب ریال تک پہنچ گئی۔ انفرادی کمپنیوں میں انرجی سیکٹر کی پٹرورابغ کو فوقیت حاصل رہی۔ ریٹیلنگ سیکٹر کی کمپنی الحکیر تنزلی کے لحاظ سے ٹاپ پر رہی۔ جس کی قیمت 5.88 فیصد کمی کے بعد 29.12 ریال تک گر گئی۔ کاروباری مالیت کے لحاظ سے دارالارکان ٹاپ پر رہی جس میں 3.2 بلین ریال کی خرید و فروخت ہوئی۔ کاروباری مالیت کے لحاظ سے سابک دوسرے نمبر پر رہی۔2بلین ریال کا کاروبار ہوا۔ انشورنس سیکٹر میں سب سے زیادہ فائدہ اکسائ انشورنس کو ہوا۔ جس کی قیمت 15.72فیصد اضافے کے بعد 22.60ریال پر اختتام پذیر ہوئی۔